ఓ మిత్రులారా !

వస్తున్నా నే వస్తున్నా !

అవసరమైతే సునామీని సృష్టిస్తా !

మట్టినుండి మాణిక్యాలను వెలికితీస్తా !

విజ్ఞానపు విత్తనాలను విశ్వమంతా విసిరేస్తా !

ఉరుములకు మెరుపులకు ఊపిరిపోస్తా !

జాలిదయల తొలకరిజల్లుల్ని చిలకరిస్తా !

కరుణ ప్రేమల కుంభవర్షాలను కురిపిస్తా !

మోడువారిన మొక్కల నుండి 

గుభాళించే గులాబీ పువ్వులను పూయిస్తా !

ఏడువర్ణాల స్నేహలతల

ఇంద్రధనస్సుకు ఇంపైన ఇరవైరంగులను చిత్రిస్తా ! 

అవినీతి తిమింగలాల భరతం పడతా!

బంగాళాఖాతంలో‌ కలిపేస్తా !

సంఘవిద్రోహశక్తుల్ని సాగరగర్భంలో ముంచేస్తా !

మహిళల మానాలను హరించే 

మానవ మృగాలను మట్టుపెడతా !

కామాంధులను కాల్చివేస్తా !

ఆకాశమార్గాన విహంగమై స్వేచ్ఛగా వివరిస్తా ! 

వీనులవిందైన విషాదసంగీతం వినిపిస్తా !

తీయని జ్ఞాపకాలను మీకు తినిపిస్తా !

ఎవరెస్ట్ శిఖరంపై అభ్యుదయజెండానెగరవేస్తా !

విధిని ఎదిరిస్తా ! విజయాన్ని సాధిస్తా !

చల్లని ఆ జాబిల్లి గుండెల్లో నిశ్చింతగా నిదురిస్తా !

మీ ఇంటికి వస్తా ! మీ గుండెగోడలపై 

జ్ఞాపకాల సంతకం చేస్తా!

వస్తున్నా నేవస్తున్నా మీ ఊరు వస్తున్నా!