ఓ అభినవ అంబేద్కరా !
ఓ దీనజన బహుజన బంధో !
నీవారినే కాదు నీ బద్దశత్రువులను
సైతం కన్నతండ్రిలా...ప్రేమించు
ఉపాధ్యాయుడిలా...బోధించు
సంఘనాయకుడిలా...సమీకరించు
సైన్యాధ్యక్షుడిలా...యుద్ధభేరి మ్రోగించు
వీరుడివై విజయాన్ని...సాధించు
రాజువై స్వేచ్ఛా స్వాతంత్ర్యం
సమానత్వం సౌభ్రాతృత్వం
పునాదులుగా నీ
రాజ్యాన్ని నీవే...పరిపాలించు
ఆ సుపరిపాలనా అమృతఫలాలను
అందరికీ సమంగా...అందించు
శతాబ్దాలుగా కమ్ముకున్న
బహుజనుల బానిసత్వపు
చీకటి తెరలను...తొలగించు
అస్పృశ్యతా సుడిగాలికి
ఆరిపోయిన దళితజాతి
జీవితాలను తిరిగి...వెలిగించు
ఆశయాల సాధనకై...తపించు
ప్రపంచం నిన్ను...ప్రశంసించు
ప్రజలంతా నిన్ను...కీర్తించు
దళిత జాతి మొత్తం గుండెను
గుడిగా చేసుకుని నిన్నే
కులదైవంగా... పూజించు
ముందు వేయితరాలు సైతం
ఆరనిజ్యోతిగా నిన్నే...ఆరాధించు
నీ నామమే నిత్యం...జపించు
ఆదర్శప్రాయుడివై...అస్తమించు
అంబేద్కర్ కు ప్రతిరూపంగా
"అభినవ అంబేద్కర్ గా"
జై భీమ్ జై భీమ్ అని
నినదిస్తూ సదా నిన్నే...స్మరించు
 |