నేనెవరో 

మీకు తెలుసు

నా అభిమానులు

నన్ను గజమాలలతో

గౌరవిస్తారు సత్కరిస్తారు

నాపై పూలవర్షం కురిపిస్తారు

కానీ నా శత్రువులు

నేనంటే గిట్టనివారు 

నామీద అనేక 

నిందలు వేస్తారు... 

నిప్పులు పోస్తారు...

చెప్పులు విసురుతారు...

కారణం....

నేను అరచేతుల్లో 

స్వర్గం చూపిస్తానని... 

వాగ్దానాల వర్షం 

కురిపిస్తానని‌‌... 

ఏరుదాటిన తర్వాత 

తెప్ప తగలేస్తానని... 

ఓట్లు రాగానే 

సీట్లు గెలవగానే ఇంటి 

గేట్లు మూసేస్తానని... 

కోట్లు కోట్లు ఆర్జించి 

కోటీశ్వరునౌతానని... 

కుర్చీలో కూర్చోగానే 

కుబేరుడనౌతానని...

ఇక నా దర్శనం 

ఐదేళ్లకొక్కసారేనని... 

అందుకే వెంటనే 

నన్ను కలవాలనిపిస్తే...

నా అడ్రస్...

కనుక్కోవడానికి

మార్గాలు రెండు...

ఒకటి...

మర్డర్లు మాఫీ చేసే

ఏ పోలీస్ స్టేషన్ కైనా 

ఫోన్ చేయండి...

రెండు...

గుర్తు తెలియని హత్యలు 

చేసే ఏ గూండానైనా అడగండి...