అన్నా..! ఓ ఓటరన్నా..! 

నీ చేతిలో ఉన్నది ఓటు...

కాదు...అది వజ్రవైడూర్యాలకన్నా 

కోహినూర్ వజ్రం కన్నా విలువైనది

అన్నా..! ఓ ఓటరన్నా..! 

నీ చేతిలో ఉన్నది ఓటు... 

కాదు...అది ఒక వజ్రాయుధం...

అది అత్యంత శక్తివంతమైనది...

అన్నా..! ఓ ఓటరన్నా..! 

నీ చేతిలో ఉన్నది ఓటు...

కాదు...అది అంబేద్కర్ 

నీకందించిన...ఒక గండ్రగొడ్డలి... 

నేతల తలల్ని తలరాతల్ని మార్చవచ్చు 

అన్నా..! ఓ ఓటరన్నా..! 

నీ చేతిలో ఉన్నది ఓటు... 

కాదు...అది ఒక మంత్రదండం... 

బ్రహ్మ రహస్యంగా వ్రాసిన 

రాజకీయ నాయకుల జాతకాలను 

ఒక్కరాత్రిలో తారుమారు చేయవచ్చు