కీచకులారా..!
ఓ కిరాతకులారా..!
దుష్టులారా..!
ఓ దుర్మార్గులారా..!
రక్తందాహం తీరని
ఓ రాక్షసులారా..!
రాబందులారా..!
చాటుమాటుగా
కాలసర్పాలై కాటువేసే
ఓ కామాంధులారా..!
కామ పిశాచులారా..!
అక్కలంటూనే...
చెల్లెల్లంటూనే...
అమ్మలంటూనే... 
స్త్రీ జాతిని
దేవతలంటూనే...
కళ్ళుపొరలు కమ్మితే
చిత్రహింసలకు గురిచేసి
క్రూరంగా... ఘోరాతి ఘోరంగా...అతినీచంగా ప్రేమ
పేరుతో కామదాహం తీర్చుకునే
ఓ అంధుల్లారా..! కామాంధుల్లారా..!
వస్తున్నాం వస్తున్నా..!
త్వరలో వస్తున్నాం...!

మీ కళ్ళళ్ళో త్రిశూలాలు
గ్రుచ్చి...మీ గుండెల్ని చీల్చి...
తీరని మా రక్తదాహాన్ని తీర్చుకుంటాం..!
పుడతాం పుడతాం..!
మళ్ళీ పుడతాం..! మీ భరతం పడతాం..!

వస్తున్నాం వస్తున్నా..!
త్వరలో వస్తున్నాం...!
చూస్తాం చూస్తాం..!
సహనంతో వేచి చూస్తాం..!
మా శీలానికి...
మా సహనానికి...
అగ్నిపరీక్ష పెడితే...
కోస్తాం కోస్తాం..!
మీ పీకలు కోస్తాం..!
మీ నాలుకలు కోస్తాం..!
మీ ఊపిరి తీస్తాం..!

వస్తున్నాం వస్తున్నా..!
త్వరలో వస్తున్నాం...!
వేస్తాం  వేస్తాం..!
గండ్రగొడ్డళ్ళతో వేటు వేస్తాం..!
తీస్తాం  తీస్తాం..!
లోతుగా గోతులు తీస్తాం..!
చేస్తాం చేస్తాం..! మిమ్మల్ని
సామూహికంగా సమాధి చేస్తాం..!
పుడతాం పుడతాం..!
మళ్ళీ పుడతాం..!మీ భరతం పడతాం..!

వస్తున్నాం వస్తున్నా..!
త్వరలో వస్తున్నాం..!
వేస్తాం వేస్తాం..!
మీ నేరాలనుండి...
మీ ఘోరాలనుండి...
మీ దుర్మార్గాలనుండి...
మీ దుస్కృత్యాల నుండి...
మీరు బయటపడి తప్పించుకు
తిరిగే అన్ని దారుల్ని మూసేస్తాం..!

వస్తున్నాం వస్తున్నా..!
త్వరలో వస్తున్నాం...!
మీ కలల్లో కలకత్తా కాళికలమై..!
మీ కంటిలో కారమై..!
మీ కాలిలో ముళ్ళులమై..!
మీ పక్కలో బల్లెమై..!
మీ గుండెల్లో గునపాలమై..!
మహంకాళులమై..!
భద్రకాళులమై..! కనకదుర్గలమై..!
మీపాలిట శతృవులమై..!
మీముంగిట మృత్యుదేవతలమై..!
పుడతాం పుడతాం..!
మళ్ళీ పుడతాం..!మీ భరతం పడతాం..! ఇంతకీ మేమెవరో తెలుసా..?
మొన్న మీ కామాగ్నిజ్వాలలకి
నిర్దాక్షిణ్యంగా బలైన ...
కాలి...బూడిదైన...నిర్భయ...
దిశ...ఆయేషా...ప్రత్యూషా...
ప్రియాంకలకు....ప్రతిబింబాలం..!