మన మహిళామణులే...
మన భారతావనికి
మణులు...
మాణిక్యాలు...
రామబాణాలు...
రక్షణ కవచాలు...
రవికిరణాలు...
అందమైన ఆభరణాలు...
వెలకట్టలేని కోహినూర్ వజ్రాలు...

మన మహిళామణులే...
వీరవనితలు...
విప్లవ సింహాలు...
దివినుండి నుండి భూమికి
దిగివచ్చిన దేవతలు...
సుఖసంతోషాలను ప్రసాదించే 
సుందరమైన బృందావనాలు...
కోరికలు తీర్చే కామధేనువులు...
కలలను పండించే కల్పవృక్షాలు...

మన మహిళామణులే...
ప్రతి ఇంటికి మణిదీపాలు...
ప్రేమకు కరుణకు ప్రతిరూపాలు...
గలగలపారే గంగా గోదావరి నదులు...
నీతికి నిజాయితీకి నిర్భీతికి నిధులు...

మన మహిళామణులే...
ఆకలి తీర్చేటి అన్నపూర్ణలు...
శ్రమసౌందర్యానికి సోపానాలు...
కాదు కాదు ఆ బంగారు అమ్మలు...
అంగడిలో అమ్ముడుపోయే ఆటబొమ్మలు