ఓరి నీచుడా ! నికృష్టుడా ! అంధుడా ! కామాంధుడా‌ !మనిషివా‌ ! మానవమృగానివా !
నీకన్న ఆ పశువే నయం!

నీవు తాతవు ముసలి కుక్కవి
నక్కలా లిఫ్ట్ దగ్గర
ఎందుకురా‌ నక్కినక్కి తిరిగేవు...
ఆ పాపకోసం?
కొల్లేటి కొంగ చెరువుగట్టున వెతికినట్టు...
ఓ చేపకోసం...!

ఎందుకురా పాపం ఆ బంగారుతల్లిని
నీ వెకిలిచేష్టలతో బలితీసుకున్నావ్ ?
ఆ కుటుంబాన్ని బలిపశువును చేశావ్ ?

నీవు చేసిన ఈ ఘోరానికి‌ నీవు చేసిన
ఈ అకృత్యానికి
ఎంతటి మాసిన వేదనకు చిత్రహింసకు వ్యధకు బాధకు గురైందో ఎంతగా కుమిలిపోయిందో
కృంగిపోయిందో ఏమో

ఐదంతస్తులపై నుండి దూకి ఆత్మహత్య చేసుకున్నదే...
అవమానంతో ప్రాణాలు తీసుకున్నదే...ఎదురు తిరగలేక
ఒక చల్లనితల్లి  రక్తపుమడుగులో‌ పడి గిలగిలాడిందే...
చింతలులేని ఓ కుటుంబం విషాదంతో విలవిలలాడిందే...
చెప్పరా నీచుడా‌ ! నీకు ఏ శిక్ష విధించాలి ?

ఈ భూమిపై నీలాంటి దుష్టులు...దుర్మార్గులు
రాక్షసులు... రాబందులు... బ్రతకరాదు... నీవంటి
పెద్దలు...గ్రద్దలై బుసలుకొట్టే...విషసర్పాలై తిరగరాదు
చెప్పరా కీచకుడా ! నీకు ఏ శిక్ష విధించాలి ?

చెప్పులతో దేహశుద్ధి చేసి గాడిదలమీద ఊరేగించి
నిర్దాక్షిణ్యంగా నడిరోడ్డులో ఎన్కౌంటర్ చేయాలి !
సజీవ సమాధి ‌చేయాలి పాతాళంలో పాతిపెట్టాలి !
అప్పుడే ఈ అమాయకపు ఆడపిల్లల ఆత్మకుశాంతి !

కానీ, మగమృగాలమీద నిత్యం నిఘా పెట్టని
ఓ తల్లీదండ్రులారా ! మీరు జాగ్రత్త మీ పిల్లలు జాగ్రత్త !!