మనసులో ప్రేమ
పుట్టీ పుట్టగానే
రెండు పెదవుల మధ్య
"ఒక ముద్దై"...మురిపిస్తుంది
ప్రేమికుల మధ్య
"ఒక బిగికౌగిలై"...ఊపిరాడక
ఇద్దరిని ఉక్కిరిబిక్కిరి చేస్తుంది

మసకచీకట్లో
మల్లెతోట వెనకాలో
పార్కులో పచ్చగడ్డిలో
డాబాపై వెచ్చని వెన్నెల్లో
పడకగదిలో పూలపాన్పుపై
"ఒక సరసమై"...
సంతోషసాగరాన ముంచుతుంది
"ఒక శృంగారమై"...
స్వర్గాన్ని రుచిచూపిస్తుంది
"ఒక మతై" ఇద్దరినీ చిత్తుచేస్తుంది
"ఒక మైకమై"...
మరోలోకంలో విహరింపజేస్తుంది
"ఒక కామమై"...
కళ్ళుపొరలు కమ్మి
కాలనాగై కాటు వేస్తుంది

"ఒక జారత్వమై"...
జాతకాలు మారుస్తుంది
"ఒక వ్యభిచారమై"...
సభ్యసమాజానికి చేటు తెస్తుంది
 "ఒక మాయని మచ్చగా"...
చరిత్రలో మిగిలిపోతుంది
మతిలేని భగ్న ప్రేమికులిద్దర్ని
"చరిత్రహీనులుగా"...మారుస్తుంది

అందుకెే కళ్ళల్లో కదలాడే
...ఆ తొలి ప్రేమ
పెదవుల మధ్య పుట్టే
...ఆ మలి ప్రేమ
కౌగిలిలో నవ్వుతూ
పువ్వులా నలిగిపోయే
...ఆ పిచ్చి ప్రేమ
కామంతో రగిలేపోయే
...ఆ కసాయి ప్రేమ
స్వచ్ఛమైన ప్రేమైతే
ప్రమోదమే ఆమోదమే...
కాని రోజురోజుకది
ఒక అగ్నిజ్వాలగా ఒక అనకొండగా
ఒక సునామీగా మారితే ప్రమాదమే

గుండె నిండా స్వచ్చమైన ప్రేమవున్నా
కళ్ళనిండా కసిగా కాటేసే కామముంటే
ఆ ప్రేమ పాలకుండలో
జారిన విషపుచుక్కే జాగ్రత్త ! జాగ్రత్త !
ఓ ప్రేమపక్షుల్లారా..! తస్మాత్ జాగ్రత్త !!