కాస్త ప్రోత్సాహిస్తే ఖర్చేముంది? చెప్పండి

కొన్ని కలాలకు ఆక్సిజన్ అందడం తప్ప

ఆకలితో వున్నఅనాధలకు అన్నం పెడితే 

పోయేదేముంది ఇంతపుణ్యం రావడంతప్ప

కొందరుమిత్రులకు పోస్ట్ చేసిన కవితలు

చిల్లికుండలో పోసిన పాలైపోతున్నాయి

చదివి,సమయమున్నా స్పందించకున్నారు

తమ ఆనందాన్ని షేర్ చేయలేకపోతున్నారు

నీరుపోస్తేనేగా ఏ మొక్కైనా ఎదిగేది

తల్లిపాలు పడితేనేగా ఏ బిడ్డైనా పెరిగేది

కాస్త మెచ్చుకోలు ప్రోత్సాహం వుంటేనేగా

ఏ కలమైనా కదిలేది ఏకవితైనా కళ్ళు తెరిచేది

ఒక బిడ్డ పుట్టడానికి ఒక తల్లి పడేశ్రమ "9 నెలలు"

ఒక చక్కని సందేశం కోసం కావాలి కవికి "9 గంటలు"

కానీ,చదివి స్పందించడానికి చాలు మీకు "9 సెకండ్లు"

ఆలోచించండి స్పందించేందుకు సదా ముందుండండి

స్పందన,అభినందనే నిజమైన స్నేహానికి నిదర్శనమండి