విధివ్రాతను తిరగ వ్రాసి 

ఆ విధాతనే విస్మయపరచి

పేషెంట్స్ కి పునర్జన్మను ప్రసాదించే

పుణ్యమూర్తులు...మన కరోనాడాక్టర్లు

పెనుముప్పును తప్పించే

మరుభూమి నుండి మరల

రోగులను వెనుకకు రప్పించే 

మాంత్రికులు...మన కరోనా డాక్టర్లు...

అతీంద్రియ శక్తులను

ఆవాహనం చేసుకొని 

ఆఖరిదశలోనున్న రోగులకు

కొత్త ఆయుస్సనే అమృతాన్ని

గొంతుల్లోపోసి స్వస్థత చేకూర్చే

అపరబ్రహ్మలు...మన కరోనా డాక్టర్లు...

ఘనులు

త్యాగధనులు

నిర్మలహృయులు

మంచితనానికి 

మానవత్వనికి నిస్వార్థమైన

సేవలకు నిలువెత్తు 

నిదర్శనం....మన కరోనా డాక్టర్లు...

దయామయులు 

కరుణామయులు

ప్రేమామయులు

బెడ్ మీదున్న ప్రతిరోగిలో 

ఆ దైవాన్ని దర్శించే

సేవాతత్పరులు...మన కరోనా డాక్టర్లు...

ఆగిపోకుండా రిపేరు చేసిన ఎన్నో 

గుండెల్లో దైవాలై నిత్యం పూజలందుకునే

పూజనీయులు....మన కరోనా డాక్టర్లు...

పురుషుల్లో పుణ్యపురుషులు వేరయా

కరోనా డాక్టర్లకు మించిన దైవాలు ఇలలో లేరయా... 

కనిపించే దైవాలు...మీరేనయా

మీకు వందనాలయా...పాదాభివందనాలయా........

నెగెటివ్ వచ్చి క్షేమంగా 

ఇల్లు చేరిన ...మీ కరోనా పేషెంట్లు....