ఓ బహుజనుడా !
కన్నతండ్రిలా...ప్రేమించు !
ఉపాధ్యాయుడిలా...బోధించు !
సంఘ పెద్దలా...సమీకరించు!
సైన్యాధ్యక్షుడిలా...
యుద్ధభేరి...మ్రోగించు !
విప్లవవీరుడివై...పోరాడు !
విజయాన్ని...సాధించు !
రాజువై మహారాజువై స్వేచ్ఛా
స్వాతంత్ర్యం సమానత్వం
సౌభ్రాతృత్వం పునాదులుగా
నీ రాజ్యాన్ని నీవే...పరిపాలించు !
ఆసుపరిపాలనా అమృతఫలాలను
అందరికీ సమంగా...అందించు !
శతాబ్దాలుగా కమ్ముకున్న
బహుజనుల బానిసత్వపు
చీకటి తెరలను...తొలిగించు !
అస్పృశ్యతా సుడిగాలికి
ఆరిపోయిన దళితజాతి
జీవితాలను తిరిగి...వెలిగించు !
ఆశయాల సాధనకై...తపించు ! ఆదర్శప్రాయుడివై...అస్తమించు !
ప్రపంచం నిన్ను...ప్రశంసించు !
ప్రజలంతా నిన్ను...కీర్తించు !
దళితజాతి మొత్తం
గుండెను గుడిగా చేసుకుని
నిన్నే కులదైవంగా...పూజించు !
ముందు వేయితరాలు సైతం
ఆరనిజ్యోతిగా నిన్నే...ఆరాధించు !
నీ నామమే నిత్యం... జపించు !
అంబేద్కర్ కు ప్రతిరూపంగా
అభినవ అంబేద్కర్ గా
జై భీమ్ జై భీమ్ అంటూ నిత్యం
నినదిస్తూ సదా నిన్నే ...స్మరించు !
 |