కావుకావు మంటూ
ఏలరా ఆ కాకి గోల ?
కులం...కులమంటూ
ఏలరా ఆ చిన్నచూపు ?
ఓ మనువాదులారా !
ఓ మతోన్మాదులారా !
ఎన్నాళ్లని ఎన్నేళ్లని, ఇంకా
ఏలరా ఆ కాకి గోల?
తరచిచూడ....కళ్లు తెరిచిచూడ
కులగోత్రాలు...మలమూత్రాలురా !
విసర్జించుటే గొప్ప విజ్జతరా !
మానవత్వాన్ని...సమానత్వాన్ని
మంటకలపనివాడే మనువాదిరా !
ఎన్నాళ్లని ఎన్నేళ్లని, ఇంకా
ఏలరా ఆ కాకి గోల ?
కులమంటూ మతమంటూ
"కులం....కుళ్ళురా"
"మతం...ముళ్ళురా"
"కులం....గజ్జి కుక్కరా"
"తిరగనిస్తే...తప్పురా"
"మతం...పిచ్చి మొక్కరా"
"పెరగనిస్తే...ముప్పురా"
ఎన్నాళ్లని ఎన్నేళ్లని, ఇంకా
ఏలరా ఆ కాకి గోల?
మతం...మతమంటూ
"నిన్న మతం ఒక"
"మత్తు మందురా"
"నేడు ఆ పేరు ఎత్తితేనే
రక్తం చిందురా"
రాముడు కోరునా రక్తాభిషేకం...లేదే
అల్లా కోరునా అల్లకల్లోలం...లేదే
క్రీస్తు కోరునా కిరాతకం...లేదే
మరి కులంపేర...ఈ "కుమ్ములాటలు"
మతంపేర...ఆ "మారణహోమాలు"
ఎందుకురా ?
మానవత్వానికి ప్రతిరూపాలుగా
మారండిరా !
మనమంతా "మనుషులమేన్న"
మనదంతా "ఒకే కులమన్న"
మనదంతా "ఒకే మతమన్న"
మనదంతా "ఒకే జాతన్న"
అంబేత్కర్ "అమృతవాక్కుల్ని"
వివేకానందుడి "విశ్వసందేెశాన్ని"
మహాత్మాగాంధీ "శాంతినినాదాన్ని"
మహాత్మా జ్యోతిరావు పూలే
"సమతా మమతా సందేశాన్ని"
కలనైనా మరువకండిరా !
మానవత్వానికి "మాయనిమచ్చ"తేకండిరా !
తోటి మనిషిని "తోబుట్టువుగా"చూడండిరా !
ఓ మనువాదులారా ! ఓ మతోన్మాదులారా !
ఇకనైనా ఈ కంప్యూటర్
యుగంలోనైనా "కుల మత రహిత"
"నవసమాజ నిర్మాణానికి నాంది" పలకండిరా !
 |