పీవీ గారంటే...
అవమానాలను అంతరంగాన
కష్టాలను కనురెప్పల మాటున
ప్రత్యర్థుల విమర్శల గరళాన్నికంఠాన
దాచుకున్న బోళాశంకరుడు రాజకీయ ఋషి
పీవీ గారంటే...
అత్యున్నత పీఠమైన ప్రధానమంత్రి
పదవినిఅలంకరించిన భారత
రథసారథి దక్షిణభారత దిక్సూచి
పీవీ గారంటే...
స్వాతంత్ర్య సమరయోధుడు
వ్యూహరచనా దురంధరుడు కాకలుతీరిన ప్రజానేత
అపరచాణక్యుడు,ఆర్థిక సంస్కరణలకు పితామహుడు
పీవీ గారంటే...
రాజనీతిజ్ఞతకు నిలువెత్తు నిదర్శనం
స్థితప్రజ్ఞతకు చెరగని సంతకం, శాంతమూర్తి
తెలుగుగడ్డపై పుట్టి గల్లీనుండిఢిల్లీ చేరిన తెలంగాణబిడ్డ
పీవీ గారంటే...
ఇన్సైడర్ నంటూ ఆత్మకథను వ్రాసుకొన్న
వేయిపడగలను హిందీలోకి అనువదించిన సాహితీసార్వభౌముడు సరస్వతీ పుత్రుడు
17 భాషలమీద పట్టున్న బహుభాషాకోవిదుడు
అట్టి మహామునికి
అట్టి మహనీయునికి
అపరమేధావికి ఆదర్శమూర్తికిదే
నా అక్షరనీరాజనం
ఓ జాతినేత ! ఓ స్పూర్తి ప్రదాత !
ఓ తెలుగు తేజమా!
ఓ పాములపర్తి నారసింహా !
వందనం !అభివందనం !
మీ స్మరణే ! ఓ ప్రేరణ !
మీకివే మా శతకోటి వందనాలు!
 |