కులం... ఒక కుళ్ళని 

కడగడానికి చాలవు కడలిలో నీళ్లని 

మతం... ఒక ముళ్ళని

బ్రతుకుబాటంతా గాయాలమయమని

తెలుసుకో నేస్తం ! నిజం తెలుసుకో !

ఈ కంప్యూటర్ యుగంలోనైనా కళ్ళుతెరుచుకో‌ !!

పక్షులు వేలైనా... రెక్కలు రెండేనని 

రంగులు వేరైనా... రక్తం ఒకటేనని

భాషలు వేరైనా... భావం ఒకటేనని 

భక్తులు వేలైనా...భగవంతుడు ఒకడేనని 

తెలుసుకో నేస్తం ! నిజం తెలుసుకో !

ఈ కంప్యూటర్ యుగంలోనైనా కళ్ళుతెరుచుకో‌ !!

నిర్దయగా నిస్సిగ్గుగా నిర్మొహమాటంగా

నిలదీసి అడిగే ముందు నీకులమేదని

తెలుసుకో నేస్తం ! నిజం తెలుసుకో !

కులం గజ్జికుక్కని...తిరగనిస్తే తప్పని 

మతం పిచ్చి మొక్కని...పెరగనిస్తె ముప్పని

నేస్తం ఎందుకు మనకీ భేదాలు ?

జగతికి ప్రగతికి ఇది కావా జాడ్యాలు

కాలి,కూలి పోవాలి ఈ కులమత కుడ్యాలు 

తెలుసుకో నేస్తం ! నిజం తెలుసుకో !

ఈ కంప్యూటర్ యుగంలోనైనా కళ్ళుతెరుచుకో‌ !!