దగాపడ్డ ! ఓ దళితబిడ్డా!
చాలా చాలు నీ మొద్దునిద్ర
ఇకనైనా మేలుకో
ఈ కంప్యూటర్ యుగంలోనైనా
కళ్ళు తెరుచుకో
దగాపడ్డ ! ఓ దళితబిడ్డా!
చాలా చాలు నీ బానిస బ్రతుకు
ఇకనైనా నీ సంకెళ్ళు త్రెంచుకో
స్వేచ్ఛగా జీవించండం నేర్చుకో
దగాపడ్డ ! ఓ దళితబిడ్డా!
చాలు చాలు ఇంతకాలం
అజ్ఞానాంధకారంలో మ్రగ్గిపోయావు
ఇకనైనా విద్యకున్న,విలువను
తెలుసుకో విజ్ఞానాన్ని పెంచుకో
దగాపడ్డ ! ఓ దళితబిడ్డా!
చాలా చాలు ఇంతకాలం
పరోపకారమంటూ సైలెంటుగా
సెర్వెంటుగా నీ యజమానికి
నమ్మిన బంటుగా బ్రతికావు
ఇకనైనా నీ భాష మార్చుకో
బాస్ గా క్లాస్ గా బ్రతకడం నేర్చుకో
దగాపడ్డ ! ఓ దళితబిడ్డా !
చాలుచాలు ఇంతకాలం
జాలిపడి జండాలు మోస్తూ
పాలితుడిగానే మూలన పడిఉన్నావు
ఇకనైనా మంచి పాలకుడిగా మారిపో
అందుకే,దగాపడ్డ ! ఓ దళితబిడ్డా !
అంబేద్కర్, పూలేల అమృత వాక్కుల్ని
నిత్యం మదిలో "స్మరించు" మంచిని "బోధించు"
మందిని "సమీకరించు" నీ హక్కులకై "పోరాడు"
రక్తతర్పణ చేసైనా సరే రాజ్యాధికారం "సాధించు
 |