ఒక చిరునవ్వు చాలు

చింతలు చీకాకులు ఎగిరిపోవడానికి

ఒక చల్లని చూపు చాలు

ఆరని కన్నీటిధారలు ఆగిపోవడానికి

ఒక మధురమైన మాట చాలు

గుండెల్లో రగిలే మంటలు చల్లారడానికి

ఒక అభయహస్తం చాలు

నీ వెనుక నేనున్నానని భరోసానివ్వడానికి

ఇంత చేయూత నిస్తే చాలు

పడిపోయిన వారు తిరిగి పైకి లేవడానికి

గుప్పెడంత ఆశ వుంటే చాలు

విడిపోయిన వారు మళ్ళీ కలిసి జీవించడానికి

గోరంత ఆధారముంటే చాలు

చెడిపోయిన వారు తిరిగి బాగుపడడానికి

పైనుండి పిలుపు వస్తే చాలు

పరమాత్మను చేరడానికి 

ఆయనలో లీనమైపోవడానికి