అమ్మా నాన్నలు ఆశపడ్డారు కాబట్టే 

ఆ యిద్దరు ప్రేమతో కలిశారు కాబట్టే 

కనిపించని ఆదైవం కరుణించాడు కాబట్టే

వారి కడుపున మనం పుట్టాము కాబట్టే

ఈ లోకంలోకి అడుగు పెట్టాము కాబట్టే 

బ్రతికి ఈ నేలమీద బట్టకట్టాము కాబట్టే 

పైనుండి పిలుపు వచ్చింది కాబట్టే 

కన్నుమూసి కట్టెగా మారాము కాబట్టే 

ఆర్జించినవన్నీ వదిలి పెట్టాము కాబట్టే 

కట్టెల మీద పెట్టి మనల్ని కాలుస్తున్నారు

గోతిలో పెట్టి పూడుస్తున్నారు లేకుంటే

ఏ కాకులకో ఏ గద్దలకో విసిరేసే వారు 

నన్నునిన్ను మానవత్వంలేని ఈ మనుజులు 

నమ్మరాదు నమ్మరాదు నమ్మనేరాదు

కన్నబిడ్డలనైనా, కట్టుకున్న భార్యనైనా

కడకు బంధువులనైనా,నాఅన్నవారినెవరినైనా

బంధాలేవైనా బ్రతికున్నంత వరకే

ఈ నేల మనందరికి ఒక అద్దెకొంప, కన్ను 

మూయకతప్పదు కొంప ఖాళీ చేయకతప్పదు 

ఎవరూ నీవారు కారు, ఏదీ నీ వెంట రాదు

అంతా పిచ్చిభ్రమ అంతా మాయమచ్చీంద్ర