ఏ పాపమెరుగని మీపై
నీలాపనిందలు మోపిన
చిత్రహింసలకు గురిచేసిన
శత్రువులందరిని క్షమించిన

పరిశుద్దమైన రక్తాన్ని చిందించిన
కలువరిగిరిపై కన్నుమూసిన
మూడవ దినమున తిరిగి లేచిన
పరలోకపుతండ్రి కుడిపార్శ్వాన కూర్చున్న

ఓ పరిశుద్దుడా !
ఓ కరుణామయుడా !
ఓ సర్వశక్తిసంపన్నుడా !
మీకు లెక్కించలేని స్తుతిస్తోత్రములు
అర్పిస్తున్నాము తండ్రీ !

మీరు మాకు నిరంతరం తోడుగా నీడగా
ఒక మంచి గొర్రెల కాపరిలా
కొండంత అండగా ఉంటారని
మనస్పూర్తిగా నమ్ముచున్నాము తండ్రీ!

మేము ఈనేలపైన నివసించినంత కాలం
ఆకాశంలో గ్రద్దలా తిరిగే
అపవాది చేతికి చిక్కకుండా రక్షించి
మాపై మీ కృపావరములు కుమ్మరించమని

మీ పాదాల చెంత మోకరిల్లి
చేతులు జోడించి శిరస్సులు వంచి
వేడుకుంటున్నాము తండ్రీ !
కనికరించమని కన్నీటితో ప్రార్థిస్తున్నాము తండ్రీ !
ఆమేన్!  ఆమేన్!!