మందీమార్బలం లేకున్న
తనవెంట ఎవరూ రాకున్నా
ఒంటరిగా సాగే "యుద్ధనౌక"

కోట్లకు పడగలెత్తిన కార్పోరేట్లు
విలాసవంతమైన జీవితాన్ని గడిపే
విశ్వాసంలేని సెలబ్రిటీలు
మూడుతరాలకు తరగనిఆస్తిని
ఆర్జించిన రాజకీయనేతలు
తామెందుకు దాతృత్వంలో
మరుగుజ్జులమయ్యామో
ఆ సినీ విలన్ హీరో అయ్యాడో ఎలా
ఎవరెస్టు శిఖరమంత ఎత్తు ఎదిగాడో
తమను తాము ప్రశ్నించుకోవాలి

ఏ పదవులు ఏ అధికారం లేకున్నా
ఏ సన్మానాలు ఏ సత్కారాలు
ఆశించక నిస్వార్థంగా,నిర్విరామంగా
"అన్నా" అనగానే నేనున్నా,
వస్తున్నానంటూ అందరినీ
మనస్పూర్తిగా ఆదుకొనే "ఆత్మబంధువు"

గిన్నీస్ బుక్ ఆఫ్ రికార్డ్స్ కు
ప్రతిష్టాత్మకమైన పద్మభూషణ్ విభుషణ్
భారతరత్న పురస్కారాలకు అర్హుడైనవాడు
మహాత్ములకే మహాత్ముడు సేవారత్న
అందరినీ కదిలించిన కనువిప్పు కలిగించిన
ఎందరిలోనో గొప్ప దాతృత్వస్పూర్తిని రగిలించిన
రియల్ సూపర్ హీరో ఎవరు ఎవరు? ఇంకెవరు

"కరుణామయుడు" కలియుగదైవం" సోనుసూద్

కోట్లున్నా ధనవంతులందరూ దాతలు కారు
కాని, దయార్ద్ర హృదయంగల దాతలందరూ
దైవాలే ధన్యజీవులే పుణ్యమూర్తులే చిరంజీవులే

ముక్కోటిదేవుళ్ళకు మ్రొక్కిఅందరం కోరుకుందాం
130 కోట్లమంది భారతీయుల ఊపిరి పోసుకుని
ఈ కలియుగ దానకర్ణుడు మన సోమసూద్....
హాయిగా చల్లగా నిండునూరేళ్ళు వర్ధిల్లాలని....