గతమంతా
నరమేధమే...
రక్తపాతమే...
రాజ్యాధికారమే...
గత చరిత్ర రక్త చరిత్రే...
కారణం అందరూ
ఇరుగు పొరుగు
చిరు దేశాలమీద
కత్తులు నూరేవారే...
యుద్దానికి కాలుదువ్వే వారే...

ఔను...నాడు...
భీకర యుధ్ధాలు
దాడులు
ప్రతి దాడులు
దండయాత్రలు
దారుణ మారణ హోమాలు
రక్తపాతాలు ఎందుకోసం..?

భూమి కోసం...
భుక్తి కోసం...
నీటి కోసం...
నిధినిక్షేపాల కోసం...
అతిలోక సుందరిమణులైన
అంతఃపుర అతివలకోసం...
అశాశ్వతమైన
సింహాసనాలకోసం...
కీర్తి కిరీటాలకోసం...
రాజ్యాల విస్తరణ కోసం...

కానీ...నేడు...
భీకర యుద్దాలు ఎందుకోసం..?

పశ్చిమాసియాలోని
ఆయిల్ నిధినిక్షేపాల కోసం...
అరబ్బులపై ఆధిపత్యం కోసం...
పవిత్రస్థలమైన జెరూసలేం కోసం...

విభజించు పాలించు
సిద్దాంతాన్ని పాటించే 
నాటి బ్రిటీష్ ప్రభుత్వం
అరబ్బులు నివశించే
పాలస్తీనా భూభాగాన్ని
ఇజ్రాయెల్ పాలస్తీనాలుగా
రెండు ముక్కలు చేసి
మూడు మతాలకు చెందిన
పవిత్రమైన జెరూసలేం ను
ఐక్యరాజ్యసమితి
ఆధీనంలో ఉంచినందుకు...

అటు...అత్యాధునిక
మారణాయుధాలను సరఫరా చేస్తూ
ఇజ్రాయెల్ సైన్యానికి శిక్షణ నిస్తూ‌
అండగా ఉన్న అగ్రరాజ్యం అమెరికా
తమకు ప్రక్కలో బల్లేలైన హమాస్
ఫతా హెజ్బుల్లా ఉగ్రవాదుల ఏరివేతకు
ఇజ్రాయెల్ ని ఉసిగొల్పుతున్నందుకు...

ఇటు...తమకు ప్రక్కలో బల్లెమైన
ఇజ్రాయెల్ ను ఆక్రమించుకోవాలని
పాలస్థీనాను స్వతంత్ర్య ఇస్లామిక్
రాజ్యంగా గుర్తించాలని
ఇరాన్ ఇతర అరబ్ నేతల
అండతో గాజా లోని హమాస్
వెస్ట్ బ్యాంక్ లోని ఫతా మిలిటెంట్లకు
అత్యాధునిక మారణాయుధాలను సరఫరాచేస్తూ ఇజ్రాయెల్ పైకి
అరబ్ దేశాలు ఉసిగొల్పుతున్నందుకు...