222 మంది ఇజ్రాయెల్
పౌరులను సైనికులను
యుద్దఖైదీలుగా బంధించామని...
మీసాలు మెలివేయకండి..!
విధ్వంసాలు...
సృష్టించామని విరవీగకండి..!

ఇందరి ప్రాణాలను గాలిలో
కలిపేసి ఏమిటి మీరు సాధించేది..?
నక్కల్లా ప్రక్కవారి ప్రాణాలను
లెక్కచేయని యుద్ధపిచ్చి
పట్టిన ఓ గజ్జకుక్కల్లారా..!
ఓ నరరూప రాక్షసులల్లారా..!
మానవత్వం లేని ఓ మృగాల్లారా..!

మీరు విసిరే నిప్పుకణిక
మిమ్మల్నే దహించి వేస్తుందని...
మీరు ఆకాశం పైకి విసిరిన...
రాళ్ళు నీతలపైనే పడి
పగలేది మీ తలలేనని...
ఎప్పుడు మీకు తెలిసేది..?

పగలు రాత్రి
పగా ప్రతీకారాలే తప్ప
ప్రేమ దయ జాలి కరుణ లేని
ఓ పాషాణహృదయుల్లారా..!

అల్లా కోరునా అల్లకల్లోలం..?
ఆ క్రీస్తు కోరునా కిరాతకం...?
జిహాద్ ఏమిటీ...?
జీహాద్ పేర
ఈ జీవహింస ఏమిటి..?
మతమేమిటీ...
మతం పేర ఈ
మారణహోమం ఏమిటి..?