నిన్న... 
నెర్రెలిచ్చిన బంజరు భూములే...
నేడు...
సిరులోలికే పచ్చని పంటపొలాలు...

నిన్న...
చుక్క నీరులేక ఎండిన బీళ్ళే...
నేడు... 
పట్టుచీరలు కట్టిన పచ్చని పైర్లు... 

నిన్న... 
ఆకలికేకలు... 
అప్పులు ఆత్మహత్యలే...
నేడు... 
ఊహించనిదిగుబడి...
గుండెల్లో గుడిగంటలు... 

నిన్న...
నిరసన సెగలే... 
ధర్నాలే రోడ్డురోకోలే... 
నిత్యం భారత్ బందులే...
నేడు... 
ముఖాన చిరునవ్వుల చిరుదివ్వెలే...
జల్సాలు జాతర్లు చిందులు విందులే... 

అవును మన "రైతే రాజైతే"... 
ఇక చెవులకు వినిపించవులే... 
అన్నదాతల ఆత్మహత్యలు...
అస్తిపంజరాల ఆకలి కేకలు...
ఇక నిత్యం కళ్ళకు కనిపించేవి..
చీకటి బ్రతుకుల్లో కాంతిరేఖలే... 
అందరి ముందరి జీవితాలు 
అందమైన సుందర నందనవనాలే...

అందుకే ఓ అన్నదాతలారా..! 
మీకు వందనం...! పాదాభివందనం...!