చిరునవ్వులు చిలకరించి

చిత్తాన్ని రగిలించి

మన్మధ తాపాన్ని రేపే

ఓ మదన మోహినీ !

మయూరిలా కులికి కులికి

తొలకరి వలపులు చిలికి చిలికి

కలలో సైతం కవ్వించి నవ్వించే ఓ కలికీ!

నిన్న నీ అందం గంధంకన్నా

మకరందంకన్నా మధురమనుకొని

మతిచలించి భ్రమించి ఆశపడి

అర్రులు చాచిన ఓ అవివేకిని...

నీ అందాన్ని అందుకోవాలని 

జున్నులా జుర్రుకోవాలని

వెంటబడిన ఓ వెర్రివాడిని ...

నేడే ఈనాడే అర్థమైంది నా కళ్ళకి

పైట "లేచే" పడుచుపిల్లకి

అందం అతిసహజమని...

ఆ అందం అశాశ్వితమని...

అశాశ్వతమైన ఆ అందాన్ని

ఆరాధించడం అవివేకమని...

ఎర్రగా బుర్రగా ఉన్న ఓ కుర్రదానా !

ప్రపంచ సుందరిని నేనంటూ

తెగ విర్రవీగిపోకే ఓ వెర్రిదానా !

నీ వయసు ముదిరే... నీ అందం చెదిరే...

రోజొకటి నీ ముందరే వుందన్న

ఒక పచ్చినిజం తెలుసుకోవే పిచ్చిదానా!