కన్నడ ఆడపడుచుకు మహారాష్ట్రీయునికి
జన్మించిన తెలంగాణ తెలుగు బిడ్డ మన కాలోజీ
కాలోజీ అంటే "ఒక తిరుగుబాటు" ధిక్కారస్వరం
కాలోజీ అంటే ఒక నిలదీత, ఒక ఎదురీత"
కాలోజీ అంటే "ఒక ఉద్యమం""ఒక ఉప్పెన"

విద్యార్థి నాయకుడిగా అనేక సంఘాలకు సారథ్యం
వహించి, విద్యార్థులను చైతన్యపరచి జైలు జీవితం
గడిపిన, వరంగల్ కోట మీద జాతీయ జెండాను
ఎగురవేసిన, "యువకిశోరం" మన కాళోజీ

హక్కులను హరించే నక్కజిత్తుల నిజాం
మక్కెలు విరిచిన మరో మన్యంవీరుడు
"విప్లవసింహం అల్లూరి" మన కాళోజీ
రజాకార్ల దుర్మార్గాలను ఎదిరించి,వారి గుండెల్లో
నిదురించిన "ధైర్యశాలి,త్యాగశీలి,"మన కాళోజీ

పేద ప్రజల ఆకలి కేకలను ఆర్తిని ఆగ్రహాన్ని
కన్నీటి బాధలను కలంపట్టి  కళ్లకు కట్టి
సాహిత్య సమరం సాగించిన సాటిలేని మేటి
"ప్రజాకవి" "పేదప్రజల ప్రతినిధి" "ప్రతిధ్వని"
"అభినవ వేమన" స్నేహశీలి, మన కాళోజీ

"దేశ భాషలందు తెలుగు లెస్స" నా తెలంగాణ భాష,
యాస "నాకు శ్వాస"అని భాషోద్యమానికి ఊపిరి పోసి
"నా గొడవ" ఖండకావ్యాన్ని వ్రాసిన "గొప్పభాషాభిమాని"
రాజకీయ వ్వంగ్యాస్రాలిసరడంలో "దిట్ట"మన కాళోజీ

"ఒక్క సిరాచుక్క లక్ష మెదళ్లకు కదలిక"
"బానిసభాషలు పోవాలే పలుకుబడుల భాష రావాలే"
"అన్యాయాన్ని ఎదిరించే వారే నాకు ఆరాధ్యులు" అని 
ఒక చక్కని సందేశాన్ని సమాజానికి అందించిన
జ్ఞానమూర్తి "పద్మ విభూషణుడు" మన కాళోజీ