మేరా భారత్ మహాన్...
వందేమాతరం...
జనగణమన...
జైజవాన్ జైకిసాన్...
సారే జహాసె అచ్చా ...
ఇంక్విలాబ్ జిందాబాద్....
అన్న నినాదాలే నిత్యం
మీ గుండెచప్పుళ్ళైతే...

ఈ దేశం నాకేమిచ్చిందని
చీకటిలో కూర్చొని చింతించక
ఈ సమాజానికి ఈ దేశానికి
నేనేమిచ్చానని క్షణం
ఆలోచించమన్న నిస్వార్థపరులైన
స్వాతంత్ర్య సమరయోధుల సంఘసంస్కర్తల శుభసందేశాల్ని
కలనైనా మరువకపోతే...

మట్టిని నమ్మి మట్టినుండే మెతుకులు పుట్టించే మట్టిమనిషి రైతన్న నోట్లో
కొత్త సాగుచట్టాలతో మట్టికొట్టకపోతే...

కులం కుళ్ళని...
మతం ముళ్ళని గ్రహించి
కులం రొచ్చులో కూరుకుపోక మతంమత్తులో ఉన్మాదులై...
మతంచిచ్చురగిలించకపోతే...
మారణహోమాలు సృష్టించకపోతే...

ఆరని జ్యోతులైన...అమరవీరులైన
ఆ స్వాతంత్ర్య సమరయోధులను...
దేశభక్తులను....జాతినేతలను...
స్పూర్తి ప్రదాతలను....
నిత్యం స్మరించుకుంటూ...
వారి ఆశయాలకే అంకితమైతే...
వారి అడుగు జాడల్లో నడిస్తే...
మీలో సమతా...మమతలు
సహనం...సమానత్వం...
మంచితనం...మానవత్వం...
నిజమైన దేశభక్తి...సద్భావన స్ఫూర్తి...
నిండుగా ప్రవహిస్తున్నట్లే...లెక్క

జైహింద్...జై భారత్....జైజై భారత్..