ఏ దిక్కులేని వారికి
దేవుడే దిక్కంటారే
అట్టి వారినాదుకున్న "నేతలకు"...దిక్కెవరు..?
పైనున్న ఆ పరమాత్మే కాదా..?

మందులిచ్చి మొండి
రోగాలను మాయం చేసే
డాక్టర్లకే  రోగాలొస్తే..?
ఆ "ప్రాణదాతలను"
ఆదుకునేదెవరు..?
పైనున్న ఆ పరమాత్మే కాదా..?

పరుల
సుఖశాంతులకోసం
నిత్యం పరితపిస్తూ
ఆపదలో ఉన్నవారిని
ఆదుకున్న "శాంతిదూతలకే"
ఆపదలొస్తే ఆదుకునేదెవరు..?
పైనున్న ఆ పరమాత్మే కాదా..?

అందుకే
కనిపించకపోయినా
కరుణను కురిపించే
ఆ పరమాత్మకు
నా ప్రార్థన ఒక్కటే...

ఈ మహానేతలపై...
ఈ ప్రాణదాతలపై...
ఈ శాంతిదూతలపై...
వారి కరుణా కటాక్ష వీక్షణాలు
నిరంతరం నిండుగా ఉండాలన్నదే...