ఈ నూతన సంవత్సరంలో.... 
కరుణను కురిపించే 
"కళ్లను"
ఆపదలో ఉన్నవారిని ఆదుకునే "హస్తాలను" 
పడినవారిని లేపడానికి పరుగులుతీసే
"పాదాలను" 
మాకు ప్రసాదించవా ఓ పరమాత్మా! 

ఈ నూతన సంవత్సరంలో.... 
నిష్కల్మషమైన "దృష్టిని" 
నిర్మలమైన "మనసును" 
స్వచ్చమైన "హృదయాన్ని" 
పచ్చని "జీవితాన్ని" 
మాకు ప్రసాదించవా ఓ పరమాత్మా! 

ఈ నూతన సంవత్సరంలో.... 
మల్లెలా పరిమళించే "మనసును" 
పరులను ప్రేమించే "హృదయాన్ని" 
అనాధలకు సేవచేసే "భాగ్యాన్ని" 
మాకు అందించవా ఓ పరమాత్మా!