గు- రు- వు అన్న ఆ మూడు అక్షరాల్లో

బ్రహ్మ - విష్ణు - మహేశ్వరులున్నారు

అందుకే గురువులు దైవసమానులన్నారు

పాలుపట్టి నీ కడుపునింపి

మంచిమాటలతో నీ మనసునింపి

"ఆకలిపాఠాలు"నేర్పిన"

ఆ అమ్మ ఋణం"తీర్చలేనిది

నీ వేలు పట్టి నీవు కింద పడిపోకుండా

భద్రంగా నీతో అడుగులు వేయించి

నీకు"ప్రపంచపాఠాలు"నేర్పిన"

ఆ నాన్నఋణం"తీర్చలేనిది

నీకు ప్రాణం పోసి నీకీ ఉత్కృష్టమైన

మానవజన్మను ప్రసాధించి, అదృశ్యంగా

నీకు "ఆథ్యాత్మిక పాఠాలు" బోధించిన "

ఆ పరమాత్మ ఋణం" తీర్చలేనిది

విద్యార్థిగా నీకు అనంత జ్ఞానాన్ని అందించి

నిన్ను సంపూర్ణమైన సంఘజీవిగా తీర్చిదిద్ది

నీకు "అమూల్యమైన జీవితపాఠాలు"నేర్పిన

ఆ "గురువుఋణం" కూడా తీర్చలేనిదే

ఎందుకంటే,

నీవు సకలశాస్త్రాలు ఔపాసనపట్టినా

నీవెంతటి పండిత ప్రకాండుడివైనా

నీ గురువుకు నీ వెప్పుడూ శిష్యుడవే

నీ గురువుకు నీవెప్పుడూ గురువు కాలేవు కాబట్టి

ఇది జన్మజన్మలకైనా తెగని ఋణానుబందం కాబట్టి