ఆ ఇద్దరికీ భగవంతుడిచ్చిన

సమయం 24 గంటలే కాని...

ఒకడికి పగలంతా"రెస్ట్ "

రాత్రిపూట "వర్క్" 

మరొకడికి పగలంతా "వర్క్ "

రాత్రిపూట" రెస్ట్ "

ఉద్యోగం ఒక్కటే ఐనా

ఇద్దరి జీతాలు జీవితాలు వేరు వేరు

ఎవరి రక్తమైనా ఎర్రగానే ఉంటుంది 

కాని, బ్లడ్ గ్రూపులు వేరువేరు కదా

ఎవరీ చేతికైనా వేళ్ళు ఐదే 

కాని, వేలిముద్రలు వేరు వేరు కదా

ఎవరికీ కనిపించవు నుదిటి వ్రాతలు, కానీ

కనిపించినా అర్థంకాని చేతిగీతలు వేరువేరు 

ఒకరి శక్తిసామర్థ్యాలు తెలివితేటలు వేరువేరు

మరొకరి శక్తిసామర్థ్యాలు తెలివితేటలు వేరువేరు

వారిలో ఒకరు విజయశిఖరాలు అధిరోహిస్తే

మరొకరు ఏ అథఃపాతాళానికో జారిపోతారు

ఎందుకో ఏమిటో ఏకత్వంలో ఈ భిన్నత్వం

ఎంతకూ అర్థం కాకున్నది ఆసృష్టికర్తతత్వం