ఎవరు వారు ? వారే మన వీరజవాన్లు

భద్రతాదళాలు మన భరతమాత ముద్దుబిడ్డలు

వారు నిద్రలేచి జపించే మంత్రం వందేమాతరం

వారు కలలో సైతం కలవరించేది త్రివర్ణపతాకం

ఎవరు వారు ? వారే మన వీర సైనికులు

వారు వీరులు,విక్రమార్కులు, వారుపిడుగులు

వారు శత్రువుల గుండెల్లో పేలే మరఫిరంగులు

వారే భద్రతాదళాలు మన భరతమాత ముద్దుబిడ్డలు

ఎవరు వారు ? వారే మన వీర సైనికులు

వారి గుండె చప్పుడు లబ్ డబ్ అనికాదు

దేశరక్షణ తల్లిఋణం దేశరక్షణ తల్లిఋణమనే

వారే భద్రతాదళాలు మన భరతమాత ముద్దుబిడ్డలు

ఎవరు వారు ? వారే మన వీర సైనికులు

ఎముకలుకొరికే చలిలోఎత్తైన మంచుకొండల్లో

నిత్యం మనకు నిద్రాభంగం కాకుండా నిఘాపెట్టే 

భద్రతా దళాలు మన భరతమాత ముద్దుబిడ్డలు

వారి చేతుల్లో తుపాకులెందుకు ?దొంగచాటుగా

దేశంలో శతృవులు చొరబడితే మట్టుపెట్టడానికి

రాత్రింబవళ్ళు సరిహద్దుల్లో పహారా కాసేదెందుకు?

దేశప్రజలంతా సుఖంగా సురక్షితంగా జీవించేందుకు

వారు పోరాడేది శతృవులతోను మృత్యువుతోను

వారు ప్రతిక్షణం సిద్దమే చొరబాటుదారులనెదుర్కోవడానికి

మృత్యువును ముద్దాడడానికి,రక్తాన్ని చిందించడానికి

మనకు స్వేచ్ఛా స్వాతంత్ర్య ఫలాలను అందించడానికి