నేను నిప్పని
నీవు ఉప్పువని తెలుసు
నీకు నాకు పడదని తెలుసు
నీవు నాడు ఆరబోసిన అందాలన్ని
నేడు ఆరిపోయే దీపాలయ్యాయి
వాడిపోయే పూలయ్యాయి
అక్కరకురాని
అందాలను
లెక్క వేసుకుంటూ
ముక్కలైన బంధాలను
ఏరుకుంటున్నావు
మూడుముళ్ల బంధం
మూన్నాళ్ళ ముచ్చటైనందుకు
బంధాలు అనుబంధాలు
ముళ్ళమీద ఆరేసుకున్న
విలువలేని వలువలౌనందుకు బాధలేదు
నీ నిర్దయ పూరిత
నిర్ణయం నన్ను నిట్టనిలువునా
దహించి వేసింది ఐనా బాధలేదు
నీ చూపులు చురకత్తులై
నీ చేదుజ్ఞాపకాలు గునపాలై
నిమిషనిముషం నా గుండెల్లో
గుచ్చుకుంటున్నాయి ఐనా బాధలేదు
ఇక నాకు కన్నీళ్లు రావడం లేదు
ఏనాడో ఇంకి ఇసుక రేణువులయ్యాయి
నా ఎడారిగుండె నీ తలపులతో
ఒక పూలతోటై మళ్ళీ విరిసింది
మనసులో ప్రేమవాన కురిసింది
విసరకు విసరకే కసితో నాపై వలపులవల
ఎందుకో ఏమో వింతగా వుంది ఆ విధిలీల
ఉగాది పర్వదిన పంచాంగ శ్రవణం
ఎందరో
మహానుభావులు
అందరికీ వందనాలు..!
ఓ కవిమిత్రులారా..!
సాహితీ మూర్తులారా..!
సరస్వతీ పుత్రులారా..!
శ్రీ క్రోధి నామ సంవత్సర
ఉగాది పర్వదినాన
నేను మీకందించే నా
పంచాంగ శ్రవణమిదే...
అంతా ఆదాయమే తప్ప
వ్యయం లేని పంచాంగం
ఓ మిత్రులారా..!
సరస్వతీ పుత్రులారా..!
సాహితీమూర్తులారా..!
అంతులేని
ఆనందసాగరాన
ఎగిసి ఎగిసిపడే
మీ ఆలోచనల అలలు
అభివృద్ధి తీరం చేరును గాక..!
మీరు కన్న కమ్మని
కలలు ఫలించును గాక...
ఆ పంచభూతాలు
మీకు అక్షయపాత్రలగును గాక..!
ఉదయించే ప్రతిప్రొద్ధూ
మీ కోటికోర్కెలను తీర్చును గాక..!
ఆ ఏడుకొండల వెంకన్న మీకు
వెయ్యేనుగుల బలాన్నిచ్చునుగాక..!
కంచుకోటై మీకు రక్షణనిచ్చును గాక..!
లక్ష కోట్ల నక్షత్రకాంతిని- మీ బ్రతుకుబాటలో విరజిమ్మునుగాక..!
మీ కష్టాలు కారుమబ్బుల్లా
కరిగిపోవును గాక...
మీ సమస్యలు ఎండుటాకుల్లా
ఎగిరిపోవును గాక...
మీ మదిలో శాంతిసుధలు..!
మీ ఇంటిలో సిరిసంపదలు...!
మీ కన్నీళ్ళతో కాంతిరేఖలు..!
మీ ముఖంలో చిరునవ్వులు..!
అలసిన
మీ గుండెలనిండా
అంతులేని ఆత్మతృప్తి...
ఊహల కందని ప్రశాంతత...
కుంభవర్షమై కురియునుగాక..!
జలపాతమై జలజల దూకును గాక..!
సెలయేరులై గలగల ప్రవహించును గాక..!
మీ జీవితం ఆనందనిలయమౌనుగాక..!
మీరు ఆయురారోగ్య అష్టైశ్వర్యాలతో
సుఖశాంతులతో విలసిల్లుదురు గాక..!
పిల్లాపాపలతో చల్లగా...
భోగభాగ్యాలతో హాయిగా...
నిండూనూరేళ్ళు వర్థిల్లుదురు గాక..!
నవ్వుల నది...కోటి వరాల నిధి...
ఈ క్రోధినామ సంవత్సర ఉగాది అంతా
మీ ముఖాలలో...
చిరునవ్వులు తాండవించునుగాక...
మీకు సకల శుభములు కలుగును గాక..!
అందరికి ఉగాది పర్వదిన శుభాకాంక్షలు
 |