వీరు కొనరు
ఒకరిని కొననివ్వరు...
వీరు తినరు
ఒకరిని తిననివ్వరు...

ఒకరు పచ్చగా
వుండడం వీరికి నచ్చదు...
ఒకరు బాగుపడితే
వీరు తెగ బాధపడిపోతారు...

ఒకరు పైకి వెళ్తుంటే
వీరికి కడుపులో మంట
వారే...అసూయాపరులు...
వారే...అభివృద్ధి నిరోధకులు...

వారు మీ ప్రక్కనే
నక్కలా నక్కినక్కివుంటారు...
ప్రక్కలో బల్లెంలా
కంటిలో కారంలా వుంటారు...

వారు చిన్న చిన్న
ఇబ్బందుల్లో ఆదుకుంటారు...
ఆ తర్వాత అనేక
ఇబ్బందులకు గురిచేస్తారు...

వారు
నటిస్తూ వుంటారు...
నవ్వుతూ వుంటారు...
నమ్మకంగా వుంటారు...
తియ్యగా మాట్లాడుతుంటారు...

వెనుక లోతుగా గోతులు
త్రవ్వుతూ వుంటారు...
వారు మీ వెంటే వుంటారు...
మీ చుట్టే వుంటారు అట్టి వారిని
ఓ కంట కనిపెట్టకున్న గట్టి ప్రమాదమే.!

నక్కను నమ్మవచ్చు...
కుక్కనూ నమ్మవచ్చు....
కానీ కుక్క కడుపున పుట్టిన
నక్కను మాత్రం నమ్మరాదు...జాగ్రత్త..!
వాటి "తోకలే" కాదు "బుద్దులూ వంకరే
కారణం అవి సంకరజాతి జంతువులు