గడియారంలోని
మూడు ముళ్లు
మూడుముళ్ల బంధానికి  
భార్యా భర్తల చక్కని
సంసార జీవితానికి
అరమరికలులేని అనుబంధానికి
ఒక తీపిగుర్తుగా గుర్తించి
అది అందించే నిశ్శబ్ద సందేశాన్ని
నిజ జీవితానికి అన్వయించుకొన్న
దంపతులందరు నిజంగా ధన్యులే
భార్యా భర్తలందరు భాగ్యవంతులే

గడియారంలోని 
మూడుముళ్లలో
పెద్ద ముళ్ళు భర్తకు
చిన్న ముళ్లు భార్యకు 
మూడోముళ్ళు
అమ్మానాన్నల ఆశిస్సులకు
కనిపించక వెనుక వుండి
నిరంతరం గడియారాన్ని
కదిలించే బ్యాటరీ
కనిపించకపోయినా కరుణించే
కరుణామయుడైన ఆ దైవమేగదా

ఏ ముళ్ళు ఏ ముళ్ళుకన్న గొప్ప కాదు
మూడుముళ్లకు ఆధారం ఒక్కబ్యాటరే
ఎవరికంటే ఎవరూ గొప్పవారు కాదు
భార్యా భర్తలిద్దరూ సమానమే

సహనం సర్దుబాటు గుణమున్న చాలు
ఆ సంసారం పచ్చని సంసారమే
ఆ కాపురం పండంటి కాపురమే
ఆ కుటుంబం ఆదర్శ కుటుంబమే
ఆ ఇల్లు భూతల స్వర్గమే ఇది నగ్నసత్యమే