కరోనా అంటే...
కారుచీకటిలో వ్రేలాడుతున్న
హైఓల్టేజ్ కరెంటు తీగ
ఖర్మ కాలి కాలికి తగిలితే
కాలి మసైపోవడం ఖాయం

కరోనా అంటే...
అకస్మాత్తుగా
నెత్తిన పడే ఒక భయంకరమైన పిడుగు
ఖర్మకాలి పడితే, మాత్రం కాటికి పోవడం ఖాయం

కరోనా అంటే...
కాలికి గుచ్చుకునే ముళ్ళుకాదు
చైనావాడు మనగుండెల్లో దింపిన గునపం

కరోనా అంటే...
పిల్లలు దీపావళికి పేల్చే లక్ష్మీ బాంబు కాదు
చైనావాడు మన ఊపిరితిత్తుల్లో పెట్టిన మందుపాత్ర

అందుకే,నిరంతరం నిఘా పెట్టివుండాలి
ప్రభుత్వ నిబంధనల్ని ఖచ్చితంగా పాటించాలి
దయచేసి ఎవరూ కరోనాను  లైట్ గా తీసుకోనే వద్దు
అది నిప్పుతో చెలగాటమే,
అది మృత్యువుతో చెస్ ఆడడమే