సేఫ్ జోన్లు రెడ్ జోన్లు గా
రెడ్ జోన్లు హాట్ స్పాట్ లుగా
హాట్ స్పాట్ లు
ఇమ్యూనిటీ కొరబడిన
కమ్యూనిటీ ట్రాన్స్ మిషన్లుగా మారితే
ఇక ప్రపంచమంతా ప్రళయమే
కరోనా విషవలయమే, విలయతాండవమే

ఆదశలో కరోనా రక్కసిని
కంట్రోల్ చెయ్యడం ఎవరితరం కాదేమో
కంటికి కనిపించని ఆ కరోనా
కళ్ళేలులేని గుర్రంలా పరుగులు తీస్తుంది

చూస్తుండగానే అతివేగంగా విస్తరిస్తుంది
అన్ని దేశాల్లో అల్లకల్లోలం సృష్టిస్తుంది
హద్దూ అదుపూలేని కరోనా వైరస్
విచ్చలవిడిగా ప్రపంచమంతా విజృంభిస్తుంది

ప్రజలు కళ్ళముందే
పిట్టల్లాగ రాలిపోతారు
లక్షలమందిని కరోనా తన
పొట్టన పెట్టుకుంటుంది

అదే అతి ప్రమాదకరమైన మూడవ దశ
అదే మృత్యువు మృదంగ నాదం
వినిపించే విషాద దశ

ఆ దశే వస్తే,మనం
బ్రద్దలయ్యే అగ్నిపర్వతం
అంచున వున్నట్లే
మనకు అనంత ప్రళయం
దాపురించినట్లే

ఆ దశే వస్తే, మనం
హోరుగాలిలో జోరువానలో
నడిసంద్రంలో వున్నట్లే
విద్వంసాన్ని సృష్టించే సునామీ
విరుచుకు పడినట్లే

ఆ దశే వస్తే, మనం
బుసలు కొట్టే విషసర్పం
పడగనీడలో నిదురిస్తున్నట్లే
మన ముందు మృత్యువు
కరాళ నృత్యం చేస్తున్నట్లే

అట్టి క్లిష్టపరిస్థితుల్లో తమ
ప్రాణాలను ఫణంగా పెట్టి
నిస్వార్థంగా సేవచేసే ప్రాణదాతల
చేతులు కట్టేసినట్లే

కారణం, నియంత్రణంటూ లేక
నిర్లక్ష్యం వహించి
కొరోనా బారినపడి
ఆసుపత్రుల్లో చేరి ఆశతో
కొనవూపిరితో
కొట్టుమిట్టాడుతున్న వారికి,
ఇక నూకలు చెల్లినట్లే,
నిండూ నూరేళ్ళు నిండినట్లే
అందుకే మూడవదశలోనే
కరోనా మృత్యుఘోష
తస్మాత్ జాగ్రత్త...తస్మాత్ జాగ్రత్త.