కలం పట్టిన ప్రతివాడు కవికాడు
ఊహల
ఊయలలో ఊరేగేవాడు
ఉప్పెనలను
ఉగ్రతలను సమాజంలోని
రుగ్మతలను రూపుమాపేవాడే కవి

కలం పట్టిన ప్రతివాడు కవికాడు
ఉచ్చులను నుండి
కార్చిచ్చులను నుండి తప్పించి
ఉగ్ర నరసింహుడై
ఉన్మాదులను ఉరి తీసేవాడే కవి

కలం పట్టిన ప్రతివాడు కవికాడు
అంతరంగ కడలిని అన్వేషించేవాడు
కలల అలల మీద స్వారీ చేసేవాడు
చిత్ర జగత్తును సృష్టించేవాడు
సమ సమాజానికి స్థాపనకు
తన జీవితాన్ని అంకితం చేసేవాడే కవి

కలం పట్టిన ప్రతివాడు కవికాడు
రైతులా రక్తం ధార పోసేవాడు 
సాహసిలా సంఘసంస్కర్తలా
సమాజంలోని అణచివేతలను...
అసమానతలను...అంతులేని
దుర్మార్గాలను అంతంచేసేవాడే కవి

కలం పట్టిన ప్రతివాడు కవికాడు
అవినీతిపరులకు ‌పాడేగట్టేవాడు
దైవంశసంభూతులకు
పాదాభివందనం చేసేవాడే కవి

కలం పట్టిన ప్రతివాడు కవికాడు
ఒక యుద్ధవీరునిలా
చెడును చీల్చి చెండాడేవాడు
చీకటి గుండెలగుడిసెల్లో
విజ్ఞాన దీపాలు వెలిగించేవాడు
సూర్యుడిలా వెలుగుల్ని నింపేవాడే కవి