దయగల
హృదయం
దైవమందిరం..!
దయలేని హృదయం
పిశాచాలకు నిలయం..!

తోటి వారిపట్ల సహృదయంతో
మెలగడమే..."మానవత్వం"

అవకాశముండి ఆదుకోకపోవడం
అమానవీయం..."అమానుషత్వం"

ఇతరులను ద్వేషించడం...అత్యంత
క్రూరంగా హింసించడం..."రాక్షసత్వం"

సర్వప్రాణుల పట్ల దయ జాలి కరుణ
కలిగి ఆచరణలో చూపడం..."దైవత్వం"

ఎవరైనా...
ఈ అనిశ్ఛిత
జీవనయానంలో
"దానవత్వం" విడచి...
"దాతృత్వం"దారిలో
"మానవత్వం" మీదుగా
"దైవత్వం" వైపు ప్రయాణిస్తే...

ఖచ్చితంగా వారి జీవితం ధన్యమే...
వారికి దక్కును వేయిజన్మల పుణ్యఫలమే
ఇదే సకల మానవజాతికి లోకకల్యాణానికి
గౌతమ బుద్ధుడు అందించేటి శుభసందేశం