మీరు..
మీ అంతర్వాణి...
ఓ మైడియర్ డార్లింగ్ !
భర్త అనే నేను భార్యా అనే నీకు
అందరిలో పెళ్లిపందిరిలో
మూడుముళ్ళు వేసి
ఏడు అడుగులు నడిచి
పంచభూతాల సాక్షిగా
పెళ్ళినాడు చేసిన ఆ
ప్రమాణాలను మరువనని
నీ చేయి ఎన్నడూ విడువనని
నేడు మళ్ళీ ప్రమాణం చేస్తున్నాను

ప్రియా ! ఓ నా ప్రియా !నేను
నీ నుదుటికి బొట్టునౌతానని
నీ కాలికి మెట్టెనౌతానని
నీ చేతికి గాజునౌతానని
నీ ముక్కుకి పుడకనౌతానని
నీ బుగ్గకు చుక్కనౌతానని
నీ మెడలో పూలహారమౌతానని
నీ సిగలో సిరిమల్లె నౌతానని
నీ కడుపులో బిడ్డనౌతానని
నీ పెదవిపై చిరునవ్వునౌతానని
నేడు మళ్ళీ ప్రమాణం చేస్తున్నాను

ప్రియా ! ఓ నా ప్రియా !
నీ కొండంత ప్రేమను
నా గుండెనంతా నింపుకొని
నా గుండెగుడిలో నీకు గుడికట్టి
నిన్ను ఒక దేవతగా కొలుస్తానని...
నేడు మళ్ళీ ప్రమాణం చేస్తున్నాను

ప్రియా ! ఓ నా ప్రియా !
నీ కష్టాలలో నీ కన్నీళ్ళలో
నీ సుఖదుఃఖాలలో
నీకు తోడుగా నీడగా
కొండంత అండగా ఉంటానని
నీ కంటికి వెలుగునౌతానని
కంటికిరెప్పలా నిన్ను
కాపాడుకుంటాని
కాటికైనా నీ వెంటే నడుస్తానని
చితిలో సైతం నీవెంటే వుంటానని
కాలి బూడిదయ్యేందుకైనా నేనుసిద్దమని
నేడు మళ్ళీ ప్రమాణం చేస్తున్నాను

ప్రియా ! ఓ నా ప్రియా !
నిన్న నీవు అన్నావు
ఓ ప్రియతమా నీవు నాకు
ఎన్నో నోముల పంటవని
నీకే భార్యనై
ప్రతి జన్మనందు ఉంటానని
అందుకే ఓ ప్రియా నేనంటున్నాను
నీవు నాకు ఎన్నో జన్మల
పుణ్యఫలమని
నీవు నాకు జతకావడం
నా పూర్వజన్మ సుకృతమని

అందుకే ఓ నా ప్రియా !
నేడే ఆ భగవంతుడికదే
నా విజ్ఞాపన...
మన ఇద్దరిని
"విడిపోని ఒక జంటగా"
ముడి వేయమని
జన్మజన్మలకు నిన్నే నాకు ఒక
"బంగారు బహుమతిగా" ఇవ్వమని..