ఈ మనిషి జీవితంలో
ముఖ్యమైన దశలు...మూడు
బాల్యం...యవ్వనం...వృద్ధాప్యం

బాల్యంలో ఇంటి నుండి...
ఏ బడికో కాలేజీకో...విద్యార్థిగా
యవ్వనంలో...
ఏ ఆఫీసుకో...ఉద్యోగిగా
వృద్ధాప్యంలో...
ఏ అనాధాశ్రమానికో...అనాధగా
కాదంటే కన్నుమూసి
ఏ కాటికో...ఒంటరిగా...

ఈ మధ్యలో ఏ మనిషైనా
ఇంటి నుండి...ఏ విదేశాలలో
ఉన్నత చదువులకోసం
ఉద్యోగం కోసం...విద్యార్థిగా

ఏ గ్రంధాలయానికో...
విజ్ఞానం కోసం జ్ఞాన పిపాసిగా...
ఏ దేవాలయానికో ...ఏ గుడికో
ఏ పుణ్యక్షేత్రానికి...భగవంతునిపై
భక్తి శ్రద్ధలతో ముక్తికోసం...ఒక భక్తునిగా

ఏ విహారయాత్రకో...
వినోదంలో మునిగితేలేందుకు
కాసింత మానసిక శాంతి కోసం...
ఉల్లాసం కోసం ఉత్సాహం కోసం...
ప్రశాంతత కోసం...ఒక టూరిస్ట్ గా...

ఏ జైలుకో... ఏ కోర్టుకో...
వివాదాలలో చిక్కుకొని విషాదంగా...

సాగించక తప్పదు...ఇంటి నుండి
సుఖ దుఖాల...
చీకటి వెలుగుల...
ఎగుడు దిగుడుల...ఎత్తుపల్లాల...
విధి నిర్ణయించిన ఆ వింత ప్రయాణం...