చెడు నుంచి మంచి 

చీకటి నుండి వెలుగు 

పుట్టినట్లే 

బురద నుండి కమలం 

హాలాహలం నుండి అమృతం 

కన్నీటి నుండి కవిత్వం 

విషాదం నుండి విప్లవం పుట్టేనురా

ఔనిది నిజమే‌ గదరా ! ఓ మానవా !

నిరుపేదల 

కన్నీటి కడలికి

నిర్మిస్తే ఒక బ్రిడ్జిని 

అనాధలకు అజ్ఞానులకు 

అందిస్తే నీ నాలెడ్జీని

చితికి చేరితే నేమిరా 

నీ ఖ్యాతి చీకటిలో చిరుదివ్వేనురా

ఔనిది నిజమే గదరా ! ఓ మానవా !

కలం పట్టి 

వ్రాయాలిరా 

కల్తీలేని కవిత్వం 

శ్రమజీవుల ఎదలో 

దాగి ఉండదురా"దానవత్వం"

మంచి గంధమే 

వారి యందలి "మానవత్వం"

శక్తిహీనులను బహు బలవంతులుగా

భక్తిహీనులను భగవత్ స్వరూపులుగా

మార్చే మహత్తర శక్తిఉన్నదే "నీ కవిత్వం"

ఔనిది నిజమే కదరా ! ఓ మానవా