ఓ నా ప్రియనేస్తమా..!
నా అభయ హస్తమా..!
ఓ మంచిమాట చెబుతా వినుమా..!
నీ వయస్సును...
నీ ప్రాణమిత్రులతో లెక్కించు..!
గతించిపోయిన
గాడాంధకారంతో నిండిన
సంవత్సరాలతో కాదు..!
సమస్యల సునామీలతో కాదు..!
నీ జీవితాన్ని...
చెరగని చిరునవ్వులతో లెక్కించు..!
కన్నీళ్ళతో కాదు కష్టాలతో కాదు..!
విధివ్రాతతో కాదు..!
గుండెకోతతో కాదు..!
నీ హృదయాన్ని...
ప్రేమ...దయా...జాలి...
కరుణామృతధారలతో నింపుకో..!
కసి....అసూయాద్వేషాల
పగా...ప్రతీకారాల మురికితో కాదు..!
నీ పెదవులను...
చిరునవ్వుల మధువులతో..!
నీ నాలుకను...
మృధు మధురమైన మాటలతో..!
నీ రెండు కళ్ళను...
ప్రేమ ఉప్పొంగే చూపులతో నింపుకో..!
నీ జీవితం...సస్యశ్యామలమే..!
నీ జీవితం...సుందర నందనవనమే...!
నీ జీవితం...పురివిప్పిన మయూరమే..!
నీ జీవితం...ఏడురంగుల ఇంద్రధనుస్సే..!
నీ జీవితం...పంచ రంగుల రామచిలుకే..!
నీ జీవితం...
పున్నమి నాటి పండువెన్నెలే..!
నీ జీవితం...
స్వర్ణశోభితమే...స్వర్గతుల్యమే..!
నీ జీవితం...
వరాల మూటే..!
అది పరమాత్మ పాడిన కమ్మనిపాటే..!
 |