ఒక మహరాజు
బలవంతుడే...
శక్తిమంతుడే...
బహు పరాక్రమశాలియే...
కాని తన బద్దశత్రువుల
బలాలను... 
బలహీనతల్ని...వేసే
ఎత్తుల్ని చిత్తు చేయగల...
వ్యూహలను...రచించగల
కుట్రలను...కుతంత్రాలను...
అంచనా వేయగల నేర్పరి...
జ్ఞానవంతుడు...మహా మేధావి...
విధేయుడైన మహామంత్రి ప్రక్కనే వుంటే...
ఏ రాజైనా వీరుడే శూరుడే విక్రమార్కుడే‌‌...

బలమైన శతృసైన్యం హఠాత్తుగా
నాలుగువైపుల నుండి...దాడి చేస్తే...
సైనికుల్ని...ఏమార్చి....హతమార్చి...
రాజమందిరంలోకి చొరబడి
తన ప్రాణానికి ప్రాణమైన
మహారాణులనే చెరపడితే...
రాజ్యాలను ఆక్రమిస్తే...
ఆస్తుల్ని....కొల్లగొడితే...

ఎంత సైన్యమున్నా...
ఎన్ని ఆయుధాలన్నా...
ఏ రాజైనా చేయగలిగేది ఏముంది?
కుమిలిపోవడమో...కృంగిపోవడమో... 
ఆత్మహత్యకు పాల్పడడమో...
శతృవులకు లొంగిపోవడమో...తప్ప

అందుకే ఏ క్షణాన్నైనా...
యుద్దభేరి మ్రోగించాలన్నా...
శతృసైన్యాలను ఎదిరించాలన్నా...
ఎదిరించి యుద్ధంలో
ఘనవిజయాలను సాధించాలన్నా...
ఏ రాజుకైనా...
ఒక "మహామంత్రి" వుండాలి అండగా...

రాజనీతిలో
ఆరితేరిన అపర చాణిక్యుడిలా... 
కురుక్షేత్రయుద్దంలో
అర్జునుడి రథసారధియైన శ్రీకృష్ణుడిలా...