ఔను..!
మనం మన...మతాన్ని...
పూజాగదిలోనే బంధించాలని...
అది గర్భగుడిలో ప్రతిష్టించిన ఒక
సుందర దేవతాశిల్పమై పోవాలని...
చేసే‌ అర్చనలకే అర్పణమైపోవాలని...
వేసే ధూపంలో అది కలిసి పోవాలని...

ఔను..!
మనం మన...కులాన్ని...
నాలుగుగోడలకు
పరిమితం చేయాలని...
గడపదాటి బయటకు రానివ్వరాదని...
నా కులమే గొప్పదంటూ కులకరాదని...
కులంపేర మతంపేర కుమ్ములాటలొద్దని...

ఔను..!
బయట
మనందరం...
భారతీయులమని...
భరతమాత ముద్దుబిడ్డలమని...
అరమరికలులేని అన్నాతమ్ముళ్ళమని...
కలతలన్నవిలేక కలిసిమెలిసి వుండాలని..
భిన్నత్వంలో ఏకత్వం మన నినాదమని...
కదా మన "పెద్దలమాట"..! అది కదా
సకలజనుల ఆకలి తీర్చేటి..."సద్దిమూట"!