అడవికి వేటకు వెళ్ళి "వల విసరందే" ఏ పక్షీ చిక్కదు

గురిచూసి బాణం వెయ్యనిదే ఏ జింకా దొరకదు

చేపలవేటకు వెళ్ళి గాలం విసరందే ఏ చేపా చిక్కదు

ఏ అందమైన అమ్మాయైనా "వలపుల వల" విసరందే 

నీ వైపు చూడదు. నీ దగ్గరకు రాదు. నీవంటే ఇష్టపడదు

నీకు మనసివ్వదు. నీకు ఐలవ్యూ చెప్పదు. నీతో స్నేహం చెయ్యదు.నీచేతిలో చెయ్యి వెయ్యదు.నీతో ఏడడుగులు నడవదు.

ఏ దైవమైనా భక్తితో మొక్కనిదే నిన్ను ఆశీర్వదించడు

ఏ పూజారైనా గుడిమెట్లు ఎక్కనిదే దక్షిణ వేయనిదే

నిన్ను కరుణించడు కనికరించడు

ఏ విద్యార్థికైనా పరీక్షల్లో ర్యాంకులు రావాలన్నా,ఇంటర్వ్యూలకు అర్హత రావాలన్నా

ఆశించిన ఉద్యోగం దొరకాలన్నా 

పాఠాలు క్షుణ్ణంగా చదవవలసిందే

ఏకాపలా కుక్కైనా అరవకుండా కరవకుండా వుండాలంటే

దోచుకోవడానికి ఇంటికి వచ్చిన దొంగ కొన్ని కుక్కబిస్కెట్లు ముందు విసరవలసిందే 

ఏ ఉద్యోగైనా బదిలీల ఇక్కట్లు తీరాలనన్నా

పైపైకి మెట్లు ఎక్కాలన్నా ప్రమోషన్లు దక్కాలన్నా

పై అధికారులకు ఆమ్యామ్యాలు అర్పించుకోవలసిందే