నేడు‌ నేతలు ‌వొంగి వొంగి దండాలు
పెడుతుంటే ఓటర్లు పొంగి పొంగి పోతారు

కానీ రేపువారే అధికారం దక్కగానే
కుర్చీఎక్కి కులుకుతారు కుబేరులౌతారు

రేపు ఈ అమాయకపు ఓటర్లే
ఆకలికి అలమటించే అస్థిపంజరాలౌతారు

ఓర్పు నశించిన ఓటర్లే మార్పు కోరేది

ఆగ్రహంతో ఓటర్లు ఉగ్రరూపం దాల్చితే
రెప్పపాటులో రాజ్యాలు కుప్పకూలిపోవచ్చు

ఓ ఓటరూ నీ ఓటు విలువను తెలుసుకో
నీ వేలుతోనే నీకంటిని నీవు పొడుచుకోకు

నీ వేలుకు రాసిన సిరాచుక్కతో నీవు
అవినీతి నేతలకు చుక్కలు చూపించవచ్చు

వారి కన్న‌ కలలను కల్లలు చేయవచ్చు
జాతకాలను తారుమారు చేయవచ్చు

జరిగే ప్రతిఎన్నికల్లో నీవే గెలవాలి
ప్రజాశక్తికి నీవే ప్రతిరూపం కావాలి

ప్రజాస్వామ్యానికి నీవే పునాది వేయాలి
నీచేతిలోని ఓటే నీ వజ్రాయుధం కావాలి

నీవే అవినీతినేతల అంతుచూసి వారినిఉరితీయాలి
నీతిగలనేతల సుపరిపాలనకు నీవే ఊపిరి పోయాలి