ఈ భారాతదేశ ప్రగతికి...
"పట్టుగొమ్మలు"...యువత...
ఈ దేశప్రతిష్టకు..."ఊపిరి" యువత...

అందుకే పాశ్చాత్య ఫ్యాషన్
డిజైనింగ్ కు బానిసలైపోయిన
ఓ భారతీయ యువతీయువకుల్లారా..!

మీ ఈ ఆసక్తి...
మీ ఈ శ్రద్ద చదువు‌ మీదుంటే...
మీ ఈ అంకిత భావం...
భారతీయ సంస్కారంపై ఉంటే...
మీ భవిష్యత్తు బంగారుమయమే కదా...

వెయ్యి కాకడాలెట్టి విశ్వమంతా వెతికినా...
మన సంస్కృతి సంప్రదాయాల కన్న...
మన భారతీయ సనాతనధర్మం కన్న...

ఆమోదయోగ్యమైనవి...
విలువైనవి...విశిష్టమైనవి...
పవిత్రమైనవి...స్వచ్చమైనవి...
అందమైనవి...సుందరమైనవి...
మధురమైనవి...మనోహరమైనవి...

లేవు లేవని...గొంతెత్తి అరిచి అరిచి
చెప్పేది ఎవరు ? చెబితే వినేదెవరు ?
ఈ నాగరిక సమాజం మారేదెన్నడు ?

పాశ్చాత్య దేశాల ఆధునిక
ఫ్యాషన్ డిజైన్లంటే పడిచచ్చే...
ఓ భారతీయ యువతీయువకుల్లారా...
మీ అంతరాత్మలో...మీ ఆలోచనల్లో...
ఆశించినంత మార్పు...రానంతకాలం...
ఎన్ని చట్టాలు శాసనాలు చేసి లాభమేమి?
ఓ భారతీయ యువతీయువకుల్లారా..!
తల్లి భారతమాతకు ముద్దు బిడ్డలు మీరే
మెళ్ళో హారాలు తలపై కీర్తి కిరీటాలు మీరే
ఆ తల్లి నుదుట రక్త తిలకం దిద్దాలి మీరే
అందుకే...కాస్త మనుషులుగా మారండి..!