జీవితం...
ఒక "నీటి బుడగ"
క్షణంలో పుట్టి
మరుక్షణంలో మటుమాయం...

జీవితం...
ఒక "మంచు ముక్క"
మన కళ్ళముందే కరిగిపోతోంది...

జీవితం...
ఓ రంగుల "కల" కమనీయం...
రమణీయం...సప్తవర్ణ శోభితం...

జీవితం...
ఎగిసిపడే ఒక "అల"...
కడలితీరం చేయాలన్నదే...దాని"కల"...

జీవితం...
శిథిలం...కాని ఒక "శిల"
అది సుందర శిల్పమైతే...
పది కాలాలపాటు పదిలం...పదిలం...

జీవితం...
ఎంత మధురం సుమధురం...సుందరం...
నవనీతం...నవవసంతం...నందనవనం...
ఉంటే పచ్చపచ్చగా...పదిమంది మెచ్చగా ...

ఔను ఈ జీవితం...
క్షణికమే...క్షణికమే...క్షణికమే...
అది ఆ పరమాత్మ...వరప్రసాదితమే...