నిన్న
ఎవరో
అర్జించినది
నేడు నీదైనది
నీవు చట్టపరంగా
సంపూర్ణ క్రయ విక్రయ
సర్వహక్కులతో హాయిగా
దాన్ని అనుభవిస్తూఉన్నావు

కానీ
నేడు నీవు
మురిసిపోతూ...
ముచ్చటపడుతూ...
కమ్మని కలలు కంటూ...
కళ్ళతో చూసుకుంటూ...
నాది నాది అనుకుంటూ...
ఎంతగానో ఆశపడి శ్రమపడి...
భ్రమపడి కష్టపడి ఆర్జించింది...
ఆనందంగా అనుభవిస్తున్నది...
రేపు ఎవరికో సొంతమైపోతుంది...

వారు దాన్ని తృప్తిగా అనుభవిస్తారు...
వారే అదృష్టజాతకులు...స్వాములు...
వారే చీమలపుట్టలో దూరిన పాములు...
అదే కాలచక్రం...అదే అదే అనుభవచక్రం...