ఎక్కడ...
ఒక దీపం
స్థిరంగా...
నిర్మలంగా‌...
నిశ్చలంగా ...
నిర్విరామంగా...
జాజ్వల్యమానంగా...
వెలుగులు
విరజిమ్ముతుందో...

అక్కడ...
హోరుగాలి లేనట్లే...
ఇంధనమింకా ఉన్నట్లే...
చిమ్మచీకట్లు కమ్ముకోనట్లే...

ఎప్పుడు...
ఒక మనిషి మనసారా
నవ్వుతూ...త్రుళ్ళుతూ
ఉత్సాహంగా... ఉల్లాసంగా
అంతులేని సంతోష సాగరాన...
హాయిగా ఈదులాడుతూ ఉంటాడో...

అప్పుడు...ఆ మనిషి
హృదయం నిస్వార్థంతో...
నిష్కల్మషంతో...నిండి ఉన్నట్లే...
ప్రేమ వాత్సల్యం పొంగిపొర్లుతున్నట్లే...
అసూయ ద్వేషం పగా ప్రతీకారం లేనట్లే...