స్వార్థానికి అర్థం
తెలియని ఓ నా నేస్తమా !
మీకు వందనం!! అభివందనం!!!

మీ కనుల నిండా
కమ్మని కలలే పండాలని...
నీ హృదయం నిండా
ప్రేమ పొంగి పొర్లాలని...
మీ గుండెల నిండా
పచ్చని ఆప్యాయత
అనురాగాలు చిగురించాలని...

మీ నాలుక నవ్వాలని...
మీ హృదయం గంతులు వేయాలని...
మీ పెదవులు ప్రేమను చిలకరించాలని...
మీ ముఖంలో చిరునవ్వు ప్రకాశించాలని...
మీ అభయహస్తాలు భుజం తట్టాలని...
మీ పాదాలు నిరుపేదల ఆకలి
తీర్చేందుకు పరుగులు పెట్టాలని...

ఈ శుభకార్యక్రమాల
నిర్వహణకు మీకు
మంచి మనసును...
చక్కని శక్తిసామర్థ్యాలను...
సంపూర్ణమైన ఆరోగ్యాన్ని...
ఆ పరమాత్మ...ప్రసాదించాలని...
ప్రార్ధిస్తూ...ఒకే ఒక కోరిక కోరుతున్నా...

మీరు ...
ఈ సేవాయజ్ఞంలో...
ఆగిపోరాదని...
అలసిపోరాదని...
ఎన్ని ఎదురు
దెబ్బలు తగిలినా...
ఎన్ని ఆటంకాలు
అవాంతరాలెదురైనా...
నిర్విరామంగా...
నిరంతరాయంగా...
కడవరకు కడతేరే వరకు...
సాహసంతో సాగపోవాలని...
మనసారా కోరుకుంటూఉన్న...